السلم الوظيفىى

كثيرا ما نسمع الشباب يقول أنتظر السلم الذى أقف عليه ولكن هل تسائلت أين هذا السلم ولو وجد هل هو مزدحم ولا فاضى وحتى لو فاضى هل هتقدر توصله ولا لأ وهتوصله ازاى وهل عندك الوسيله اللى توصلك وتفتكر ايه هى الوسيله دى
هل هى مؤهلك ولا مواهبك ولا خبرتك ولا هتلاقى اللى هيوصلك من غير كل دول ويا ترى مين هيكسب ولو وصلت هتبقى خايف برده وهتسأل نفسك أطلع ازاى .طب أنا هقدر أكمل ولا هقع ولا هما هيوقعونى .علشان حد معرفه أو حد تانى كوسته أكبر منى ولا أنا أساسا قدراتى محدوده وهما معندهومش وقت يضيعوه فى تدريبى وياترى لو بدأت كده أتمشى على السلم براحتى وهما عاوزنى أطلع بسرعه بس بطريقتهم وأنا مش عارف طريقتهم دى شريفه ولا مش شريفه ولو لقيتها مش شريفه واعترضت هيسبونى ولا هيوقعونى ويضيعوا حقى ومش هاعرف أرجعه ولو عرفت أرجعه هيبقى امتى وازاى
مليون سؤال هتسأله لنفسك وفى النهايه مش هتلاقى جواب ولا حتى هتلاقى السلم اصبر بقى لما يجيلك الفرج ولا تحصل معجزه ولا حتى ممكن تدعى بين الآذان والاقامه علشان تلاقيه أوتخيل وعيش الحلم انك موجود عليه بس اوعى تقع لما تصحى وتفوق متلاقيش تحتك سلم أوتلاقى نفسك متعلق على كوبرى قصر النيل زى اللى علقوا نفسهم قبل كده من فقرهم وبرده هتقع بس فى النار